No Concello de Punxín o número de cruces, cruceiros e petos de ánimas é bastante limitado, existen un total de 10. Cada unha das 6 parroquias conta co seu cruceiro. En xeral non parece que teñan unha antigüidade moi elevada, case a metade dos catalogados son moi modernos, construídos xa no século XX.
Con todo, son un referentes territorial do municipio e en torno a eles se organizan as diferentes procesión realizadas nas parroquias do Concello.
Cruceiro da Igrexa de Barbantes
Situado nun parque recreativo situado ao outro lado da estrada que pasa a carón da igrexa parroquial.
Cruz de Ferro de Barbantes
Situado no lugar coñecido como a Costa, nas abas do monte da Xesteira. Dista uns 200 m da igrexa e ata ela achéganse as procesións.
Cruceiro da Igrexa de Freás
Érguese xustamente diante da igrexa parroquial, á beira da estrada, no exterior do adro.
Cruceiro da Igrexa de Ourantes
Atópase no lugar de Ourantes, ó carón da igrexa parroquial, no torreiro da festa, ocupando una posición de encrucillada coa estrada que vai cara ó Vilar.
Peto de Ánimas de Ourantes
Atópase no lugar de Ourantes, encaixado na parede entre 2 portalóns, nunha posición de encrucillada á beira dun antigo camiño.
Cruceiro da Igrexa de Punxín
Atópase xustamente diante da fachada principal da Igrexa parroquial , ao carón da fonte do Santo Wintila
Cruceiro da Igrexa de Vilela
Atópase no torreiro da Igrexa parroquial, orientado cara a fachada principa da mesma.
Cruceiro da Igrexa de Vilamoure
Érguese a uns cen metros da Igrexa parroquial de Santo Estevo e no camiño, hoxe estrada que conduce a Lamas.
Fontes
-“Cruces, cruceiros e petos do Concello de Punxín”. FERNÁNDEZ DE LA CIGOÑA NÚÑEZ, ESTANISLAO
-«Los petos de ánimas de Ourense». MENOR CURRÁS, MANUEL (1983)
“Cruces e cruceiros de ánimas de Galicia” e “Esmoreiros e petos de ánimas da provincia de Ourense”. FERNÁNDEZ DE LA CIGOÑA NÚÑEZ, ESTANISLAO (1997)
WEB: Cruceiros de Galicia